Taroudant 24 - جريدة تارودانت 24 الإخبارية Taroudant 24 - جريدة تارودانت 24 الإخبارية
آخر الأخبار

آخر الأخبار

آخر الأخبار
آخر الأخبار
جاري التحميل ...

آشناهي الفائدة من ماتش مصروفة عليه ملايين وباراكة من لكدوب راه الصحراويين ما مسوقينش ليه

آشناهي الفائدة من ماتش مصروفة عليه ملايين وباراكة من لكدوب راه الصحراويين ما مسوقينش ليه
آشناهي الفائدة من ماتش مصروفة عليه ملايين وباراكة من لكدوب راه الصحراويين ما مسوقينش ليه
بحال ديما نفس الاسطوانة نفس التخربيقة ونفس المقاربة ديال خسران لفلوس بلا نتيجة وبلافائدة كتعاودوها علينا. وما بغيتوش تعلمو وتديرو لينا شي حاجة عندها وقع وأثر مباشر على ناس الصحراء. راكم غا كتخورو أحمادي.
واش وصلنا لمرحلة الرفاهية والكمالية باش نديرو ماتش فالعيون حاطين فيه فلوس صحيحة ؟ واش وصلنا لمرحلة كلشي متوفر باش نوجهو أنظارنا واهتمامنا للكورة فقط.
دابا دخلنا عليكوم بالله واش بهاد الحدث غاديين تربحو لقضية كاع لمغاربة. الرياضة مزيان ولكن بحال مدرسة ا سي ميلان اللي دارت فالعيون ماشي بحال هاد البهرجة والفلكلور وو.
ااااش كتخورو أ عباد الله واش هذا ماتش غادي يزيد بينا لقدام فملف الصحراء، واش غادي يخلي إدارة ترامب تفرض مقترح الحكم الذاتي على المتدخلين المعنيين. وراه فالديراما الكولومبي لي عيطتو ليه ومعاه نجوم كثار راه من الماضي. موحالش هاد الجيل كيعرفهم كاع.
وثانيا لمن كتسوقو هاد الماتش ؟ كتسوقوه زعمة للخارج والمنتظم الدولي باش تقولو ليه راه الصحراء مغربية. راكوم غا كدورو فحلقة مفرغة لأن أي مسؤول مغربي فاش كيخرج من لبلاد كيقوليها “الصحراء الغربية” وسيرو ضربو طلة على موقع المجلس الملكي الإستشاري للشؤون الصحراوية “كوركاس” ياك فيه ناس وحدويين. ايوة راه كيقولو ليها الصحراء الغربية ماشي المغربية.
اذا كنتو كتسوقوه لناس الصحرا أيضا؛ راه ما كيجوش يتفرجو لي كيتفرج راه معروف بلا ما يدوخ علينا شي حد راه حنا ولاد لبلاد وعارفين شنو كاين. راه الى هزيت الميكرو ديال “كود” دابا وخدينا تصريحات شي حد فشارع سكيكيمة او شارع الطنطان او مزوار او السمارة وسولتو على الماتش راه غادي يضحك علي ويجاوب بان الماتش معروف شكون كيمشي ليه. يعني بلا متكذبو ويقوليكوم شي معلق فالرياضية جمهور صحراوي كبير يؤثث فضاءات ملعب الشيخ محمد لغظف بالعيون الحبيبة. راه ما كاينش صحراوة حاضرين راه سادين عليهوم فديورهم ومصاوبين آتاي فترة العصر.
قالك أسيدي جايبين نجوم عالمية اوروبية وإفريقية، وااا اوروبا راه هي لي دابا ولات ساحة للسجال على ود البروتوكولات التجارية بين الإتحاد الأوروبي والمملكة المغربية؛ وإفريقيا هي لي باقا كتفرض على الشركاء حضور البوليساريو لمؤتمراتها وآخرهم اليابان.
إذن لمن كنسوقو هاد الماتشات وآشناهي الفائدة يا عباد الله. وااا توجهو للصحرا وناس المنطقة خاص يكون ادماجهم بشكل كامل فتنظيم الحدث. من جميع المراحل. الفكرة خاصها تجي من عندهم والتطبيق يديروهم هما. خاصو يكون منهم باش ينخارطو فيه ماشي مفكرين فيه فشي قنت واللي مستافد غير فئة من الرباط وكازا ولوطيلات فمراكش. هاد الشي ما شادش يا حمادي

Taroudant 24 - جريدة تارودانت 24 الإخبارية

عن الكاتب

تارودانت24 taroudant24

Taroudant 24 - جريدة تارودانت 24 الإخبارية
عامتعديل من يمكنه رؤية هذه المعلومات

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

Taroudant 24 - جريدة تارودانت 24 الإخبارية