12353150665706248
recent
أخبار ساخنة

الناشطة الأمازيغية Numedia Zara Chantay تنجح في التسلل إلی داخل القاعة التي نظم فيها المقرئ أبو زايد ندوته لتفاجئه بمداخلتها

الخط

الناشطة الأمازيغية Numedia Zara Chantay تنجح في التسلل إلی داخل القاعة التي نظم فيها المقرئ أبو زايد ندوته لتفاجئه بمداخلتها


"قصتي يوم الندوة مع PJD"
مشيت نحضر الندوة لان الامر كايهمني كامازيغية وكأم عندي أطفال كايقراو ...الاعلان كانت فيه الدعوة عامة لكن فاش وصلت امام القاعة الي كانت مطوقة بالبوليس عادي كايديرو خدمتهم مازال كولشي عادي مي فاش بغيت ندخل منعوني علاش؟ الله اعلم ..قاليك خاصني الدعوة ..قلت ليهم الدعوة عامة مابغاوش حيت هوما اصلا في اخر لحضة وزعو الدعوات غير على الناس ديالهوم اوكي بان ليا لبلان فواحد البنت كانت واقفة سولتها قالت لي بلي صاحبتها دخلات و هي مازال ...عطيتها تيليفون ديالي دارت النمرة ديال صاحبتها دويت معاها و طلبتها تسيفط لينا 2 دعوات باش ندخو مسكينة تقاتلات باش ضبرات على 1 عطاتها ليا ديك البنت وهي تعطيها ليا وقالت لي "انا مداخلاش حيت اصلا انا جايا على قبل واحد الدعوة سيفطوها لي الاخوات فواتساپ الندوة بعنوان " قد افلح من زكاها" ماشي ديال ابوزيد..المهم خديت الدعوة مشيت قدمتها لسيكوريتي دخلني عادي مي ملي وصلت عند هادوك الاخوان لي فالباب ماقبلوش ادخلوني حتى جا سيكوريتي و وراهم الدعوة ودارو لي بحث شكون عطاها ليك ؟؟؟ فاش قربت ندخل للقاعة جاو عندي 3 قالو ليا عافاك ماديريش لينا الفوضى فالقاعة شفت فيهم و قلت ليهم حشومة رجال قدكم واللحايا وتخافو من مرا انا راه مامسلحاش درتو فيها بحال الى غدي ندخل للبانتڭون ولا لانازا المهم دخلت ولقيت القاعة فيها ياللاه شي 25 واحد و شي بنات حتاهوما جاتهوم الدعوة ديال " قد افلح من زكاها" المهم ڭلست مع هادوك البنات وفهمتهم بلي ضحكو عليهم باش اعمرو بيهم القاعة وهاد الحركات معروفة عندهم...دخل ابوزيد وبدا كايدوي وكايغوت وكايضرب بيديه علا المكتب بلا بلا بلا وشي ماڭال واحد 30 دقيقة انزال ديال شي كاميو ديال النساء.....سالا الفيلم واش فهمتوني ولا لا ؟؟
بقلم:
Zara Chantay Numedia

ليست هناك تعليقات
إرسال تعليق

إرسال تعليق

نموذج الاتصال
الاسمبريد إلكترونيرسالة