إستمع إلى راديو الأخــبــار المـــغربــيــة

تارودانت بريس
أخبار ساخنة

ادارة “راديسون” كتطنز على كلياناتها بعد فضيحة هجوم مقرقب على مهرجان للرقص وضرب جوج: هاد الشي كيوقع فاي بلاصة فالعالم

ادارة “راديسون” كتطنز على كلياناتها بعد فضيحة هجوم مقرقب على مهرجان للرقص وضرب جوج: هاد الشي كيوقع فاي بلاصة فالعالم

 ادارة “راديسون” كتطنز على كلياناتها بعد فضيحة هجوم مقرقب على مهرجان للرقص وضرب جوج: هاد الشي كيوقع فاي بلاصة فالعالم

“كود” كانت نشرات خبار مقرقب هجم مع الثلاثة الليل الجمعة اللي فاتت على اوطيل راديسون” فتاغازوت فاكادير. لمقرقب دخل وما كان حتى حد٬ من جهة لبحر وجا حتى لقاعة كان فيها مهرجان للرقص اللاتيني الافريقي وقرب منو جوج. اللول رسلو ب18 غرزة والثاني ب8 الغرزات.

الادارة ما تسوقاتش لكاع اللي كان تماك. ضربات الطم. لكليان تصدم من تصرفهم. اليوم بعد ما نشرات “كود” لخبار ناضت الادارة رسلات رسالة للزبناء ديالها. رسالة ناشفة غبية خاص هاد الزبناء والزبونات يديو هاد الادارة للقضاء.

نشوفو اش قالت الادارة. اعترفات بفضيحة الهجوم وقالت باللي اسفة وبقى فيها الحال على داك الشي اللي وقع لعبد الرحمان وللطباخ ايوب. هادو اللي ضربو للوجه ودارو ليهم غرزات.

الادارة قالت باللي تلاقات مع الطباخ السبت ودعماتو نفسيا وماديا ولكن قالت جملة خطيرة. قالت باللي عطاتو لفلوس اللي خسرها. كيفاش هجوم وقع فاوطيل واصابة فاوطيل والسيد مشى بوحدو للصبيطار ما داتوش الادارة واكثر من ذلك خلص هاد الشي عاد جات الادارة باش تعوضو. هادي اهانة ليه. استهتار باللي خدام معاها واهانة لزبناء لوطيل.

نرجعو للاجراءات الامنية فلوطيل. الادارة قالت باللي كلشي كان على ما يرام. بغات تركب على السلطات المحلية باش قالت باللي اي اجراء دايراه كيتماشى مع ما حددته السلطات المحلية. هادا كذوب. علاش لوطيلات اللي كاينين تماك عندهم حراسة مزيرة من حدا لبحر فالليل وهما ما دايرينهاش. واش هاد الشي قالتو ليهم السلطات؟ اللا طبعا. هما ما داروش.

الفقرة الثانية فرشو ريوسهم باش قالو باللي اليوم الثاني ضاعفو الاجراءات الامنية. انتوما عندكم مهرجان ما عندكمش الاجراءات الضرورية. ما حشمتوش.
وزادو كلشي باش قالو باللي اللي وقع ديك الجمعة كيوقع كل نهار وممكن يوقع فاي بلاصة فالعالم. اييه كذوب. ما كيوقع غير عند ادارات مستهترة بحالكم.

وسالات الرسالة بالادارة تحت اشارة اي كليان. اييه وفين كنتو السبت والاحد وحتى الاثنين فالصباح. عارفين الناس مشاو فحالهم.

رسالتكم اهانة لكلشي. رسالة غبية. خاصكم تحاسبو عليها. طبعا الزبناء والزبونات خاصهم يدعيوكم على التقصير اللي درتوه.

google-playkhamsatmostaqltradent